a dársena do francés

Construcións tradicionais

A casa feita en pedra do país conserva case completamente, a estrutura orixinal do s. XIX. A Dársena do Francés conta cun singular canastro de oito rodas da época napoleónica (1806). Ao seu carón, atopamos un centenario pilón, antigamente utilizado para lavar a roupa. Ademáis a finca conta con dúas mesas exteriores (a lenda familiar di que pertenceu a Pedro Madruga), bancadas e numerosos postes de viña que dotan de personalidade ao espazo.

Ben localizado

O albergue ten un emprazamento inmellorable para gozar da tranquilidade da natureza como das actividades deportivas relacionadas co mar, ou o ocio que ofrecen as cidades. Situado no km 85.270 dos camiños portugués e da costa a Santiago de Compostela. A pouco máis de 200 metros atópase a Praia de Cesantes e a menos de un kilómetro do centro de Redondela.

A distancia ao aeroporto de Peinador é inferior a 10 Km. e a 15 e 18 Km. das cidades de Vigo e Pontevedra.

Paraxe natural

A Dársena do Francés é o lugar perfecto para desconectar  e relaxarse, gozando da calma só interrompida polos paxaros que aniñan nas innumerables árbores da paraxe. Os viaxeiros poderán desfrutar dos froitos e produtos da horta da nosa propiedade. Para os amantes do mar, poderán achegarse á enseada de San Simón, onde poderán practicar deportes acuáticos, observar a actividade mariñeira ou contemplar a posta de sol sobre a ponte de Rande.

Ambiente coidado

A sinxeleza, o respecto pola tradición e a ubicación son as máximas que rexen a ambientación do albergue, marcado pola presencia constante do mar, elemento fundamental nas vidas dos veciños da parroquia de Cesantes.

A reutilización de espazos xa existentes e a decoración con  motivos mariñeiros recrean a perfecta mestura entre o mundo labrego e do mar que se dá nesta zona de Redondela.